YENİ MEŞƏLİKLƏR SALINIR
Rayon meşə mühafizəsi və bərpası idarəsindən AZƏRTAC-ın müxbirinə bildirmişlər ki, 5 il ərzində 500 hektar ərazidə yeni meşə zolaqlarının salınması nəzərdə tutulmuşdur. Görülmüş tədbirlər nəticəsində ötən il müəssisə tərəfindən 100 hektar ərazidə yeni meşəliklərin salınması təmin olunmuşdur. Müəssisənin tinglik sahəsində yetişdirilmiş 250 minə yaxın katalpa, ağ akasiya, qoz, palıd, şərq çinarı və sair qiymətli ağac növləri meşə zolaqlarında əkilmişdir.
Ötən il rayonun təhsil müəssisələrinin və buradakı hərbi hissələrin yanacağa olan tələbatını ödəmək məqsədi ilə meşələrdəki quru ağaclar hesabına 1250 kubmetr odun tədarük edilmişdir.
Bölmənin digər xəbərləri
