Yeni Zelandiya Böyük Britaniyanın Trans-Sakit Okean Tərəfdaşlığına qoşulduğunu elan edib
Bakı, 16 iyul, AZƏRTAC
Trans-Sakit Okean Tərəfdaşlığı üçün Hərtərəfli və Tərəqqi Sazişinin iştirakçı ölkələri Böyük Britaniyanın təşkilata daxil olduğunu təsdiqləyiblər.
AZƏRTAC xarici mediaya istinadla xəbər verir ki, bu barədə Yeni Zelandiyanın Baş naziri Kris Hipkins bildirib. O qeyd edib ki, Britaniyanın Trans-Sakit Okean Tərəfdaşlığı üçün Hərtərəfli və Tərəqqi Sazişinə qoşulması regionun gələcəkdə böyüməsi və inkişafı üçün iqtisadi imkanları genişləndirəcək.
Baş nazirin bəyanatı Yeni Zelandiya hökumətinin saytında yerləşdirilib.
Yeni Zelandiyanın ticarət və ixracin inkişafi naziri Demien O'Konnor qeyd edib ki, Böyük Britaniyanın bu birlikdə olması regionda qaydalara əsaslanan ticarət sistemini möhkəmləndirəcək, böyük əminliyi təmin edəcək və ticarət üçün regional təchizat zəncirlərini gücləndirəcək. Birləşmiş Krallıq kimi yeni tərəfdaşlar bu Sazişin dəyərini yüksəldir, təşkilatın qlobal ticarət arxitekturasının vacib elementi kimi əhəmiyyətini nümayiş etdirir.
Daha əvvəl Böyük Britaniyanın Baş naziri Rişi Sunak Trans-Sakit Okean Tərəfdaşlığı üçün Hərtərəfli və Tərəqqi Sazişinə qoşulmaq barədə razılığın əldə olunduğunu açıqlayıb. Vurğulayıb ki, tərəfdaşlığın digər üzvləri ilə danışıqlar iki ilə yaxın vaxt aparıb.
Bölmənin digər xəbərləri
