Yeniyetmə cüdoçularımız Bakıda təlim-məşq toplanışında iştirak edirlər
Bakı, 14 iyul, AZƏRTAC
Yeniyetmə oğlan cüdoçulardan ibarət Azərbaycan millisi Bakıda təlim-məşq toplanışında iştirak edir.
Bu barədə AZƏRTAC-a Azərbaycan Cüdo Federasiyasından məlumat verilib.
İyulun 15-dək davam edəcək hazırlıq prosesinə 28 cüdoçu qatılıb. Hazırlıq prosesinə yeniyetmələrdən ibarət milli komandanın baş məşqçisi Rüstəm Alimli, məşqçilər Emil İskəndərov və Nicat Şıxalizadə rəhbərlik edirlər.
Qeyd edək ki, təlim-məşq toplanışı iyulun 25-29-da Sloveniyanin Maribor şəhərində keçiriləcək XVII Avropa Gənclər Olimpiya Festivalına, avqustun 5-7-də Belarusda təşkil olunacaq MDB Oyunlarına və ayın 23-27-də Xorvatiyanın paytaxtı Zaqreb şəhərində baş tutacaq dünya çempionatına hazırlıq məqsədi daşıyır.
Bölmənin digər xəbərləri
