YERLİ SƏNAYE İNKİŞAF EDİR
Ağdaş Rayon İcra Hakimiyyətində AZƏRTAC-ın müxbirinə bildirmişlər ki, regionların sosial-iqtisadi inkişafı Dövlət Proqramında nəzərdə tutulan tədbirlərin həyata keçirilməsi nəticəsində son illər ənənəvi sənaye sahələrinin fəaliyyəti bərpa edilmiş, bir sıra yeni müəssisələr yaradılmışdır. Hazırda regionda yerli xammaldan istifadə olunmaqla toxuculuq məhsulları, şirniyyat və sərinləşdirici içkilər, kərpic, üzlük daşlar istehsal olunur. Xaricdən gətirilən müasir texnoloji avadanlıq yüksək alıcılıq qabiliyyətinə malik keyfiyyətli məhsulların istehsalına şərait yaratmışdır. Təsadüfi deyildir ki, təkcə 2005-ci ildə rayonda sənaye məhsulları istehsalı 2004-cü illə müqayisədə 3,3 milyard manat artaraq 20,2 milyard manata çatmışdır.
Bölmənin digər xəbərləri
