“Young Learners” kvalifikasiya imtahanlarına qeydiyyat elan edilir
Bakı, 28 avqust, AZƏRTAC
“Young Learners” (Azyaşlı öyrənənlər) kvalifikasiya imtahanlarına qeydiyyat elan edilir. İmtahan azyaşlılar üçün hazırlanmış üç kvalifikasiya - PreA1 Starters, A1 Movers və A2 Flyers üzrə keçiriləcək.
Dövlət İmtahan Mərkəzindən AZƏRTAC-a bildirilib ki, bu kvalifikasiyalar azyaşlıları ingilis dilini öyrənməyə həvəsləndirmək məqsədilə xüsusi olaraq hazırlanıb. Hər bir imtahan iştirakçısına Kembric Universiteti Nəşriyyat və Qiymətləndirmə qurumu tərəfindən beynəlxalq səviyyədə tanınan sertifikat təqdim olunur.
İmtahan noyabrın 23-də keçiriləcək. İmtahana qeydiyyat oktyabrın 9-dək aparılacaq.
Xatırladaq ki, Dövlət İmtahan Mərkəzi Kembric Universiteti Nəşriyyat və Qiymətləndirmə qurumunun rəsmi test mərkəzlərindən biri olaraq “Cambridge English Qualifications” (Kembric ingilis dili kvalifikasiyaları), “Cambridge English Teaching” (Kembric ingilis dilinin tədrisi) və tələb əsasında “LinguaSkill” imtahanlarını təşkil edir.
Ətraflı məlumat üçün [email protected] poçt ünvanına müraciət etmək olar.
Bölmənin digər xəbərləri
