Yük avtomobilində aksiz markası olmayan külli miqdarda siqaret aşkarlanıb

24.08.2024 [14:34]
Çap et
A⁺ A^-

Naxçıvan, 24 avqust, AZƏRTAC

İran İslam Respublikasından tranzit keçməklə Naxçıvan-Bakı

istiqamətində hərəkət edən “99-ZC-683” qeydiyyat nömrəli “Mercedes-Benz” markalı qarışıq yük aparan yük nəqliyyat vasitəsinə gömrük baxışı həyata keçirilib. Naxçıvan Baş Gömrük İdarəsinin əməkdaşları yoxlama zamanı rentgen qurğusunda şübhəli monitor təsvirləri əsasında ölkə ərazisinə qanunsuz yolla gətirilən üzərində aksiz markası olmayan külli miqdarda siqaret aşkar ediblər.

Bu barədə AZƏRTAC-ın Naxçıvan bürosuna Naxçıvan Baş Gömrük İdarəsindən bildirilib.

Avtomobilin qoşqusunda yüklərin arasında gizlədilmiş Azərbaycan

Respublikasının aksiz markası ilə markalanmayan 2080 qutu (41600 ədəd) “Marlboro”, 920 qutu (18400 ədəd ) “Parlament” siqaretləri aşkar edilib.

Faktla bağlı araşdırılma aparılır.