ZAQATALADA YENİ FINDIQ BAĞLARI SALINIR
Zaqatala Rayon İcra Hakimiyyətindən AZƏRTAC-ın müxbirinə bildirmişlər ki, 2005-ci ilin payız-qış mövsümündə və cari ilin birinci yarısında rayonda 672 hektar sahədə yeni fındıq bağları salınmışdır. Bu iş növbəti əkin mövsümündə də ardıcıl davam etdiriləcəkdir. Rayonda son 3 ildə yeni salınan fındıq bağlarının ümumi sahəsi 1670 hektara çatdırılmışdır. Hazırda Zaqatala rayonunda fındıq bağlarının ümumi sahəsi 8145 hektar təşkil edir.
Məhsulun satış qiymətinin yüksək olması əhalinin bu gəlirli sahəyə marağını xeyli artırmışdır.
Xatırladaq ki, 2005-ci ildə rayonda 7675 ton fındıq istehsal edilmişdir. Bu qədər məhsulun ötən ilki bazar qiymətləri ilə ümumi dəyəri 12,3 milyon manat (AZN) olmuşdur.
Bölmənin digər xəbərləri
