Zelenski və Sunak Ukraynadakı mövcud vəziyyəti müzakirə ediblər
Kiyev, 3 yanvar, AZƏRTAC
Ukrayna Prezidenti Volodimir Zelenski ilə Böyük Britaniyanın Baş naziri Rişi Sunak arasında telefon danışığı olub.
AZƏRTAC xəbər verir ki, bu barədə Ukrayna Prezidentinin mətbuat xidməti məlumat yayıb.
Danışıq zamanı siyasətçilər müdafiə sahəsində gələcək əməkdaşlığı müzakirə edib, həmçinin bu il qələbəni yaxınlaşdırmaq üçün səyləri gücləndirmək barədə razılığa gəliblər. Artıq bunun üçün konkret həll yollarının olduğu bildirilir.
Xatırladaq ki, sonuncu birgə söhbət zamanı Volodimir Zelenski və Rişi Sunak Ukraynanın sülh formulunu müzakirə ediblər.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
