“Zəlzələ zamanı davranış qaydaları” layihəsi çərçivəsində maarifləndirmə tədbirləri davam etdirilir
Bakı, 14 iyul, AZƏRTAC
Azərbaycan Milli Elmlər Akademiyasının nəzdində Respublika Seysmoloji Xidmət Mərkəzinin “Zəlzələ zamanı davranış qaydaları” layihəsi çərçivəsində maarifləndirmə tədbirləri davam etdirilir.
Mərkəzin mətbuat xidmətindən AZƏRTAC-a bildirilib ki, növbəti maarifləndirmə tədbiri “ADEC” MMC-nin əməkdaşları üçün keçirilib.
Tədbirdə mərkəzin “Tədris” şöbəsinin əməkdaşları A.Ağazadə və M.Məmmədli çıxış edərək zəlzələ zamanı davranış qaydaları və seysmik risk səviyyəsinin minimuma endirilməsinə dair məlumatları iştirakçıların diqqətinə çatdırıb, mövzu ilə bağlı yaranmış sualları cavablandırıblar.
Bölmənin digər xəbərləri
