10 YAŞLI GƏNCƏ ŞAHMATÇISI AVROPA BİRİNCİLİYİNDƏ İKİNCİ YERƏ ÇIXIB
Serbiya və Çernoqoriyada keçirilən yeniyetmələr arasında şahmat üzrə Avropa çempionatında Azərbaycan yığma komandasının üzvü, 10 yaşlı Gəncə məktəblisi Səbinə İbrahimova yüksək nümunə göstərərək vətənə gümüş medalla qayıtmışdır. Keçirdiyi 10 oyundan 7,5 xal toplayan Gəncə şahmat məktəbinin yetirməsi məzmunlu oyunu ilə mütəxəssislərin də diqqətini cəlb etmişdir. Gənc şahmatçının məşqçisi Şahin Hacıyev AZƏRTAC-ın müxbirinə demişdir ki, Səbinə çox istedadlı idmançıdır və onun şahmat aləmində parlaması üçün geniş imkanlar vardır. Bu işdə o, anası, vaxtilə Azərbaycanın ən güclü qadın şahmatçılarından olan Təranə Səidovanın da təcrübəsindən bəhrələnir.
Bölmənin digər xəbərləri
