Elmir Əliyev: Məqsədim Olimpiya çempionu olmaqdır VİDEO
Bakı, 23 iyul, AZƏRTAC
Bu mötəbər idman yarışında qızıl medal qazandığım üçün çox sevincliyəm. Yarışa ciddi hazırlaşmışdım. Məqsədim çempionluq idi və buna da nail oldum. Rəqiblərim arasında ən çətin görüş yarımfinalda moldovalı idmançı ilə oldu. Digər idmançılarla görüşdə qələbə qazanmaqda elə də çətinlik çəkmədim.
Bu sözləri AZƏRTAC-a müsahibəsində XV Avropa Gənclər Yay Olimpiya Festivalında 51 kiloqram çəki dərəcəsində qızıl medal qazanan yunan-Roma güləşçimiz Elmir Əliyev deyib.
Festivalda çıxış edən idmançıların bəzilərini Avropa və dünya birinciliyindən tanıdığını söyləyən pəhləvanımızın əsas məqsədi Olimpiya çempionu olmaqdır.
Qeyd edək ki, idmançımız finalda ukraynalı Sanya Yakovlev üzərində 10:0 hesabı ilə inamlı qələbə qazanaraq qızıl medala sahib olub.
Bölmənin digər xəbərləri
