20 Yanvar şəhidlərinin xatirəsi anılmışdır
Bakı, 17 yanvar (AZƏRTAC). Təhsil Problemləri İnstitutunda (TPİ) 20 Yanvar faciəsinin 21-ci ildönümünə həsr olunmuş tədbir keçirilmiş, şəhidlərin xatirəsi anılmışdır.
İnstitutdan AZƏRTAC-a bildirmişlər ki, tədbirdə çıxış edən TPİ-nin direktor müavini, professor Yəhya Kərimov tariximizə qanla yazılan 20 Yanvar faciəsinin dəhşətlərindən bəhs etmişdir. Qeyd olunmuşdur ki, 1990-cı il yanvarın 19-dan 20-nə keçən gecə imperiya ordusu Bakıda və digər şəhər və rayonlarımızda qanlı cinayətlər törətmiş, yüzlərlə günahsız insanları qanlarına qəltan etmişdir. Lakin qara qüvvələr azadlıq uğrunda mübarizə aparan xalqımızın iradəsini qıra bilməmişdir.
Y.Kərimov ümummilli liderimiz Heydər Əliyevin təşəbbüsü ilə 20 Yanvar hadisələrinə siyasi-hüquqi qiymət verildiyini xatırlatmışdır.
Digər çıxış edənlər 20 Yanvarın qan yaddaşımıza əbədi həkk olunduğunu vurğulamışlar.
Bölmənin digər xəbərləri
