“Azerspace-1” bu il 15 milyon dollarlıq xidmət göstərəcəkdir VİDEO
Bakı, 9 iyul (AZƏRTAC). Azərbaycanın ilk telekommunikasiya peyki “Azerspace-1”in bu il 15 milyon ABŞ dolları məbləğində xidmət göstərəcəyi gözlənilir.
AZƏRTAC xəbər verir ki, bunu jurnalistlərə müsahibəsində Azərbaycanın rabitə və yüksək texnologiyalar naziri Əli Abbasov bildirmişdir. Nazir qeyd etmişdir ki, ötən il bu məbləğ təxminən 9-10 milyon dollar səviyyəsində olmuşdur. Ümumiyyətlə, “Azerspace-1” bir çox peyklər içərisində öz keyfiyyəti, əhatə dairəsi və xidməti ilə fərqlənir. Hazırda Azərbaycan peykinə 100-dən çox telekanal və xüsusi rabitə sistemləri qoşulmuşdur.
Bölmənin digər xəbərləri
