DÜNYA


Norveç hökuməti vergi güzəştlərinə yenidən baxıb

Bakı, 21 avqust, AZƏRTAC 

Norveç hökuməti təkmilləşdirilmiş büdcə layihəsini açıqlayıb.

AZƏRTAC xarici KİV-lərə istinadla xəbər verir ki, layihədə elektron nəşrlərin əlavə dəyər vergisindən azad olunması, hüquqi şəxslər üçün vergi güzəştlərində dəyişiklik edilməsi, eləcə də əcnəbi işçilər üçün sadələşdirilmiş vergi rejiminin tətbiqi nəzərdə tutulub.

Layihəyə əsasən, 2019-cu ildən başlayaraq əcnəbi işçilərin gəlir vergisi üzrə vergi çıxılmaları olmadan qeyri-məcburi 25 faizlik hamar tarif rejimi tətbiq olunacaq. Hazırda mövcud olan “əcnəbi işçilər üçün xüsusi müavinət” isə ləğv ediləcək.

Bundan əlavə, təbii ehtiyatlar sahəsində çalışan şirkətlər üçün qaydaların dəyişdirilməsi də nəzərdə tutulub. İslahatlara xarici sərmayəçilərə aid dividendlərdən tutulan verginin azaldılması ilə bağlı yeni inzibati qaydaların tətbiq edilməsi də daxildir.

İşəgötürənlərə aid dəyişikliklər təbii vəsaitlər üçün vergitutma qaydalarının dəyişdirilməsinə yönəldilib. Yığım vergiləri ilə bağlı qaydalarda dəyişiklik edilib, pivəbişirmə və maralçılıq təsərrüfatı sahələrinə isə yeni vergi güzəştləri verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.