“Real Madrid” “Leqanes”lə oyuna ciddi itkilərlə çıxacaq
Bakı, 15 aprel, AZƏRTAC
İspaniyanın “Real Madrid” futbol klubu La Liqanın 32-ci turunda “Leqanes”lə oyuna ciddi itkilərlə çıxacaq.
AZƏRTAC xarici KİV-lərə istinadla xəbər verir ki, klubun 4 əsas futbolçusu zədə səbəbindən bu görüşdə iştirak etməyəcək. Bunlar belçikalı qapıçı Tibo Kurtua, müdafiəçi Serxio Ramos, yarımmüdafiəçi Toni Kross və hücumçu Junior Vinisusdur. Futbolçuların adı görüşün iştirak ərizəsinə daxil edilməyib.
Qeyd edək ki, aprelin 15-də keçiriləcək “Leqanes” - “Real” oyunu Bakı vaxtı ilə saat 23:00-da başlayacaq.
Bölmənin digər xəbərləri
