Astana, 31 avqust, AZƏRTAC

Sentyabrın 8-dən 13-dək Astanada keçiriləcək V Ümumdünya Köçəri Oyunları ərəfəsində Türküstan bölgəsində “Birlik kerueni" ("Birlik Karvanı") layihəsi təşkil olunub.

AZƏRTAC xəbər verir ki, layihə çərçivəsində karvan Türküstandan paytaxta yollanıb. Müxtəlif bölgələrdən olan idmançıların iştirakı ilə yerlərdəki müqəddəs bulaqlardan və quyulardan su götürülərək Astana şəhərinə çatdırılacaq.

V Ümumdünya Köçəri Oyunları 21 idman növü üzrə keçiriləcək. Tədbirdə 89 ölkədən təxminən 2800 nəfərin iştirak edəcəyi gözlənilir. Onlar 97 dəst medal uğrunda yarışacaqlar.

Elşən Rüstəmov

AZƏRTAC-ın xüsusi müxbiri

Astana