ABŞ ilə Azərbaycan bərpa olunan enerji mənbələrinin inkişafında mühüm əməkdaşlıq əlaqələri qurub
Bakı, 22 aprel, Nihad Budaqov, AZƏRTAC
ABŞ ilə Azərbaycan alternativ və bərpa olunan enerji mənbələri sahəsinin inkişafında mühüm əməkdaşlıq əlaqələri qurub. Bu davamlı əməkdaşlıq iki ölkə üçün faydalı olacaq və həmin sahənin inkişafı sayəsində Azərbaycan qloballaşan dünyanın bir üzvünə çevrilməyi davam etdirəcək.
AZƏRTAC xəbər verir ki, bu sözləri jurnalistlərə müsahibəsində Bərpa olunan Enerji üzrə Amerika Şurasının vitse-prezidenti Tom Veyriç deyib. O bildirib ki, bərpa olunan enerji mənbələri sahəsində təcrübə mübadiləsi olduqca vacib məsələdir və bu sahənin inkişaf etdirilməsi üçün mühüm addımlar atılır. Bərpa olunan enerji sahəsinin inkişafı bilavasitə digər sahələrdən də asılıdır. Bu sahənin inkişafı nəticəsində gələcək nəsillər işlə təmin oluna bilər.
Bölmənin digər xəbərləri
