ABŞ Prezidenti NATO sammitində iştirak etmək üçün Litvaya gəlib
Bakı, 10 iyul, AZƏRTAC
ABŞ Prezidenti Cozef Bayden iyulun 10-da NATO sammitində iştirak etmək üçün Litvaya gəlib.
AZƏRTAC xəbər verir ki, ABŞ liderini Vilnüs Beynəlxalq Hava Limanında Litva Prezidenti Gitanas Nauseda qarşılayıb. Onların ikitərəfli danışıqları iyulun 11-ə planlaşdırılıb.
Sammit zamanı Vilnüs Beynəlxalq Hava Limanında 100-dən çox müntəzəm reys ləğv ediləcək. Paytaxtdan 30 km radiusda istənilən uçuşlar qadağandır. İyulun 7-dən 13-dək Litva ərazisi üzərində kiçik təyyarələrin, pilotsuz nəqliyyat vasitələrinin uçuşu da təxirə salınıb.
Qeyd edək ki, ABŞ-ın 43-cü prezidenti Corc Buş da 2002-ci ildə Litvaya səfər etmişdi. O, Tovn Hall meydanında insanlarla görüşəndə demişdi: "Kim Litvaya düşmən olarsa, Amerikanın düşməni olacaq". Prezidentin bu aforizmi bələdiyyə binasının fasadında quraşdırılmış xatirə lövhəsində də həkk olunub.
Bölmənin digər xəbərləri
