İQTİSADİYYAT
“AÇG” LAYİHƏSİ ÇƏRÇİVƏSİNDƏ MƏNFƏƏT NEFTİNİN NÖVBƏTİ PARTİYASINI İTALİYA ŞİRKƏTİ ALMIŞDIR
İtaliyanın “APİ Oil” şirkəti ABƏŞ-in “İlkin neft” layihəsi çərçivəsində “Çıraq” yatağında hasil etdiyi mənfəət neftinin növbəti partiyasını almışdır.
ARDNŞ-dən AZƏRTAC-ın müxbirinə bildirmişlər ki, 1 milyon barrel həcmində həmin neftin Gürcüstanın Supsa limanından göndərilməsi yanvarın 25-26-na nəzərdə tutulmuşdur. Mənfəət neftinin alınmasına dair müsabiqə iki ayda bir dəfə keçirilir. Bu, Azərbaycanın 31-ci mənfəət nefti partiyasıdır. Proqnozlara görə, ABƏŞ 2004-cü ildə “Çıraq” yatağında hasil edəcəyi 6,7 milyon ton nefti Bakı-Supsa boru kəməri ilə göndərəcəkdir.