AERA-nın İdarə Heyətinin sədri Yaponiya şirkətlərinin nümayəndələri ilə görüşüb
Bakı, 3 avqust, AZƏRTAC
Azərbaycan Enerji Məsələlərini Tənzimləmə Agentliyinin (AERA) İdarə Heyətinin sədri Samir Axundov “Caspian Hydrogen Development Group LLC” şirkətinin sədri Teymur Abbasov, Yaponiyanın “Toyota Tsusho Cooperation” şirkətinin Yeni layihələrin inkişafı departamentinin meneceri Fumihiko Sato və “Eurus Energy” şirkətinin menecer müavini Tomataka Vatanabeni ilə görüşüb.
AERA-dan AZƏRTAC-a bildirilib ki, tərəflər təmsil etdikləri qurumların fəaliyyət istiqamətləri haqqında məlumat verdikdən sonra Azərbaycanda bərpaolunan enerji mənbələri layihələri, yaşıl hidrogen istehsalı və tətbiqi sahələri və digər mövzular müzakirə olunub.
Tədbirdə, həmçinin AERA-nın müvafiq struktur bölmələrinin əməkdaşları da iştirak edib.
Bölmənin digər xəbərləri
