AFFA KLUBLARI 10,5 MİLYON MANAT MƏBLƏĞİNDƏ CƏRİMƏLƏMİŞDİR

11.10.2005 [20:27]
Çap et
A⁺ A^-

AZƏRTAC xəbər verir ki, AFFA-nın Nizam-İntizam Komitəsinin oktyabrın 11–dəki növbəti iclasında ölkə futbol çempionatının birinci dəstəsinin ötən həftə keçirilmiş oyunlarında və futzal yarışlarında baş vermiş bəzi hadisələrə hüquqi qiymət verilmişdir.

Komitənin qərarına əsasən, I dəstənin “Rote Fane” (Tovuz) – “Bakılı” qarşılaşmasında Namiq Məmmədkərimov (“Bakılı”) ehtiyat hakimə qarşı təhqiramiz davranışına görə növbəti iki oyuna buraxılmayacaq, təmsil olunduğu klub isə 5 milyon manat məbləğində cərimələnəcəkdir.

“Gənclər birliyi –2” (Sumqayıt) – “Simurq” (Zaqatala) görüşündə meydan sahibinin 4 oyunçusu sarı vərəqə aldığına görə klub 2,5 milyon manat məbləğində cərimə ediləcəkdir.

Ölkə futzal çempionatının “Batabat” (Bakı) –“Olimpik” (Bakı) oyununda isə Əzim Tağıyev (“Batabat”) və Fərid Atakişiyev (“Olimpik”) qeyri-etik hərəkətlərinə görə növbəti iki oyuna buraxılmayacaq, klubların hər biri isə 1 milyon manat məbləğində cərimə olunacaqdır. “Hamilton” (Bakı) –“Şərur” (Bakı) qarşılaşmasında isə Rövşən Qasımov (“Şərur”) qeyri-etik davranışına görə növbəti iki oyuna buraxılmayacaq, klub isə 1 milyon manat məbləğində cərimələnəcəkdir.

AFFA KLUBLARI 10,5 MİLYON MANAT MƏBLƏĞİNDƏ CƏRİMƏLƏMİŞDİR

MÜƏLLİFLƏ ƏLAQƏ

Bölmənin digər xəbərləri