Ağacları kəsdiyinə görə tikinti şirkəti cərimələnmişdir
ETSN-in mətbuat xidmətindən AZƏRTAC-a bildirmişlər ki, həmin ünvanda “Alyans-NN” MMC şirkəti Bakı Şəhər İcra Hakimiyyətinin 28 iyun 2007-ci il tarixli sərəncamına əsasən çoxmərtəbəli yaşayış binasının inşasına başlamışdır. Departament ərazidəki 29 ağacın qorunmasını və onlara aqrotexniki qulluq göstərilməsini şirkətə tapşırmışdır. Lakin fevralın 15-də departamentin əməkdaşları əraziyə baxış keçirərkən ağacların kökündən kəsildiyini müəyyən edilmiş, faktla bağlı akt və protokol tərtib olunmuşdur. Araşdırma zamanı məlum olmuşdur ki, həmin ərazidə tikinti işlərini artıq “Alyans-NN” MMC deyil, “Rise” tikinti şirkəti həyata keçirir.
Azərbaycan Respublikası Nazirlər Kabinetinin müvafiq qərarının tələblərini pozduğuna görə “Rise” tikinti şirkəti İnzibati Xətalar Məcəlləsinin 92.3.1 maddəsi ilə 649 000 manat, məcburi göstərişə əməl etmədiyi üçün 319-cu maddə ilə 18 000 manat məbləğində cərimə olunmuş, təbiətə dəymiş ziyana görə isə şirkətə 885 manat məbləğində iddia qaldırılmışdır.
Bölmənin digər xəbərləri
