Ağdamda faciə qurbanlarının xatirəsi yad edilmişdir
Ağdam, 25 fevral (AZƏRTAC). Ağdam rayonunda Xocalı faciəsinin 20-ci ildönümü münasibətilə ümumrayon tədbiri keçirilmişdir.
AZƏRTAC xəbər verir ki, Quzanlı mədəniyyət evində keçirilən tədbirdə əvvəlcə faciə qurbanlarının və torpaqlarımızın azadlığı uğrunda canlarından keçmiş şəhidlərimizin xatirəsi bir dəqiqəlik sükutla yad edilmişdir.
Rayon icra hakimiyyəti başçısının birinci müavini Zülfü Qasımov 20 il əvvəl Xocalıda törədilən qətliamdan, bir gecənin içərisində erməni silahlı dəstələrinin şəhəri viran qoymasından, yüzlərlə insanı amansızlıqla qətlə yetirməsindən və şikəst etməsindən danışmış, faciəni bəşəriyyət tarixinə, insanlığa qarşı ən dəhşətli kütləvi terror hadisəsi kimi qiymətləndirmişdir.
Tədbirdə Ağdam Dövlət Dram Teatrı tərəfindən “O kənd bizim kəndimizdir” ədəbi-bədii kompozisiyası göstərilmişdir.
Bölmənin digər xəbərləri
