Almaniya avtomobil sənayesinin gələcəyi ürəkaçan deyil
Berlin, 31 mart, AZƏRTAC
Ekspertlər Almaniya avtomobil sənayesinin gələcəyini acınacaqlı hal kimi dəyərləndiriblər.
AZƏRTAC xəbər verir ki, onların proqnozuna görə, hazırda bu sahədə fəaliyyət göstərən 830 min işçinin təqribən 100 mini bu gün dünyanı cənginə alan COVID-19 pandemiyası nəticəsində işlərini itirəcəklər.
Avtomobil istehsalının pandemiyadan əvvəlki səviyyəsinin tam bərpası üçün isə ölkəyə ehtimal ki, 10 il gərək olacaq!
Artıq bu il alman avtomobillərinə tələbat 15 faiz aşağı düşəcək. Adi iş rejimində təxminən 1,7 milyon avtomobil satılmamış qala bilər.
Ekspertlər sahənin tezliklə bərpası üçün ƏDV-nin ləğv olunmasını təklif ediblər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
