ALMANİYADA UŞAQ ALVERİNƏ QARŞI MÜBARİZƏYƏ HƏSR OLUNMUŞ BEYNƏLXALQ KONFRANS KEÇİRİLİR

03.11.2004 [16:07]
Çap et
A⁺ A^-

AZƏRTAC-ın xüsusi müxbiri Berlindən xəbər verir ki, noyabrın 2-də Almaniyanın Osnabrük şəhərində uşaq alverinə qarşı mübarizə problemlərinə həsr olunmuş beynəlxalq konfrans öz işinə başlamışdır. Almaniya bundestaqının insan hüquqları komissiyasının dəstəyi və himayəsi ilə keçirilən konfransda bir sıra ölkələrin hökumət və qeyri-hökumət təşkilatlarının nümayəndələri, uşaq və gənclərin hüquqlarının müdafiəçiləri iştirak edirlər.

Konfransın təşkilat mərkəzinin yaydığı məlumata görə, forum iştirakçıları müzakirələr zamanı narahatlıqla bildirmişlər ki, BMT-nin uşaqların hüquqları, yaşayışı və inkişafının təmin olunması haqqında konsepsiyasına əməl edilməsinə biganə münasibət nəticəsində dünyanın əksər ölkələrində mütəşəkkil cinayətkarlığın uşaq əməyinin istismarı, uşaqların silahlı münaqişələrdə iştirakı, uşaq alveri, uşaqların cinsi istismarı, uşaq fahişəliyi və uşaq pornoqrafiyası kimi iyrənc və təhlükəli növləri baş alıb gedir.

Forumun yekununda uşaqların hüquqlarının müdafiəsinin gücləndirilməsi, uşaq əməyinin istismarı və uşaq alverinə qarşı kollektiv beynəlxalq mübarizənin təşkili barədə tədbirlər layihəsi və normativ proqram sənədləri hazırlanacaqdır.

ALMANİYADA UŞAQ ALVERİNƏ QARŞI MÜBARİZƏYƏ HƏSR OLUNMUŞ BEYNƏLXALQ KONFRANS KEÇİRİLİR

MÜƏLLİFLƏ ƏLAQƏ

Bölmənin digər xəbərləri