Almaniyada yaşayan azərbaycanlı və müxtəlif ölkələrdən olan uşaqların görüşü keçirilmişdir
Bakı, 3 iyun (AZƏRTAC). Uşaqları Beynəlxalq Müdafiə Günü münasibətilə Almaniyada yaşayan azərbaycanlı və müxtəlif ölkələrdən olan uşaqların görüşü keçirilmişdir.
Diasporla İş üzrə Dövlət Komitəsindən AZƏRTAC-a bildirmişlər ki, Maqdeburqda keçirilmiş görüşdə ölkəmizi Saksen-Anhalt vilayəti üzrə Alman-Azərbaycan Mədəniyyət Cəmiyyəti təmsil etmişdir.
Azərbaycanlı uşaqlar dünyanın bir çox ölkələrindən olan iştirakçılara ölkəmizə aid hədiyyələr təqdim etmiş, mahnılar oxumuşlar.
Hədiyyələr Azərbaycanın Almaniyadakı səfirliyi, Almaniya Azərbaycanlılarının Əlaqələndirmə Mərkəzi və Alman-Azərbaycan Mədəniyyət Cəmiyyəti tərəfindən təqdim olunmuşdur.
Bölmənin digər xəbərləri
