Almaniyanın Maqdeburq şəhərində 28 May - Respublika Günü qeyd olunmuşdur
Bakı, 31 may (AZƏRTAC). Maqdeburqda Saksen-Anhalt vilayəti üzrə Alman-Azərbaycan Mədəniyyət Cəmiyyətinin təşkilatçılığı, ölkəmizin Almaniyadakı səfirliyinin, Diasporla İş üzrə Dövlət Komitəsinin və Almaniya Azərbaycanlıları Əlaqələndirmə Mərkəzinin dəstəyi ilə 28 May - Respublika Günü münasibətilə tədbir keçirilmişdir.
Diasporla İş üzrə Dövlət Komitəsindən AZƏRTAC-a bildirmişlər ki, “Saksen-Anhalt” gəmisində 120 nəfərin iştirakı ilə keçirilmiş tədbirə vilayətdə fəaliyyət göstərən dünyanın 34 ölkəsinin cəmiyyətlərinin nümayəndələri qatılmışlar.
Alman-Azərbaycan Mədəniyyət Cəmiyyətinin sədri Yaşaq Millnitts Niftəliyev, ölkəmizin Almaniyadakı səfirliyinin müşaviri Almaz Məmmədova Azərbaycan haqqında ətraflı məlumat vermişlər.
Sonda səfirlik tərəfindən tədbir iştirakçılarına Azərbaycan haqqında kitablar hədiyyə edilmişdir.
Bölmənin digər xəbərləri
