ALMATIDA “ETNİKLƏRARASI BİRLİYİN QAZAXISTAN MODELİ” MÖVZUSUNDA KONFRANS KEÇİRİLMİŞDİR

20.11.2003 [12:13]
Çap et
A⁺ A^-

Almatıda “Etniklərarası birliyin Qazaxıstan modeli: təcrübə və məlumatlar” adlı beynəlxalq konfrans başa çatmışdır. Konfransda Qazaxıstan, Özbəkistan, Qırğızıstan, Rusiya və Litva dövlət orqanlarının və ictimai təşkilatlarının nümayəndələri, din xadimləri, politoloqlar, sosioloqlar və dilçilər, o cümlədən Qazaxıstan Respublikası parlamentinin deputatları, milli mədəniyyət mərkəzlərinin rəhbərləri iştirak etmişlər.

Tədbirdə həyatın bütün sahələrində, həmçinin iqtisadiyyatda və orduda etniklərarası münasibətlər və bu əlaqələrin inkişaf etdirilməsi perspektivləri müzakirə olunmuşdur. Konfransda deyilmişdir ki, milli mədəniyyətlərin inkişafı və etniklərarası sabitliyin bərqərar olması ilə bağlı Qazaxıstan modeli beynəlxalq təşkilatlar tərəfindən bəyənilmişdir.

Almatıdakı “Turan” konqresinin sədri Müseyib Novruzov AZƏRTAC-ın müxbiri ilə söhbətində demişdir: “Qazaxıstanda 120-dən çox xalqın və millətin nümayəndələri yaşayır. Onların hüquqları ölkənin qanunları ilə qorunur. Qazaxıstanda yaşayan soydaşlarımızın sayı isə 130 mindən artıqdır. Almatıda, Pavlodarda, Cambulda, Aktyubinskdə Azərbaycan məktəbləri fəaliyyət göstərir və bu məktəblərdə övladlarımız öz dilini, ədəbiyyatını, mədəniyyətini və tarixini öyrənir”.

ALMATIDA “ETNİKLƏRARASI BİRLİYİN QAZAXISTAN MODELİ” MÖVZUSUNDA KONFRANS KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri