Almatıda yaşayan soydaşlarımız dövlət başçısının səlahiyyətlərinin referendum yolu ilə artırılmasına tərəfdardırlar
Almatı, 22 yanvar (AZƏRTAC). Almatıdakı Qazaxıstan Azərbaycanlıları Assosiasiyası İctimai Birliyinin iclasında soydaşlarımız dövlət başçısı Nursultan Nazarbayevin səlahiyyətlərinin 2020-ci il dekabrın 6-dək uzadılması ilə əlaqədar referendum keçirilməsi haqqında Qazaxıstan Xalqları Assambleyasının qəbul etdiyi qərara tərəfdar olduqlarını bildirmişlər.
İctimai Birliyin sədri Əbülfəz Xamedov bu haqda məlumat verərək bildirmişdir ki, Qazaxıstan tolerant dövlətdir, ölkədə olan 130-dan artıq xalq və millətin nümayəndələri sülh və əmin-amanlıq şəraitində yaşayırlar. Millətlərarası və konfessiyalararası sabitliyin Qazaxıstan modeli dünyada ən uğurlu modellərdən hesab olunur.
Sonra referendum keçirilməsi ilə əlaqədar Qazaxıstan Xalqları Assambleyasına müraciət qəbul edilmişdir.
Qazaxıstanın Cambul, Kustanay, Aktube və digər vilayətlərində də referendum keçirilməsi ilə bağlı yığıncaqlar olmuş, müraciətlər qəbul edilmişdir.
Qulu Kəngərli
AZƏRTAC-ın xüsusi müxbiri
Almatı
Bölmənin digər xəbərləri
