“ALTERNATİV HƏRBİ XİDMƏT HAQQINDA” QANUN PARLAMENTİN YAZ SESSİYASINDA QƏBUL OLUNA BİLƏR
Milli Məclis sədrinin müavini, təhlükəsizlik və müdafiə məsələləri daimi komissiyasının sədri Ziyafət Əsgərov AZƏRTAC-ın müxbirinə demişdir ki, adı çəkilən layihənin parlamentin yaz sessiyasında müzakirəyə çıxarılması nəzərdə tutulub. Bu sənədlə bağlı cəmiyyətdə, eləcə də Milli Məclisin özündə müxtəlif fikirlər vardır. Bəzi mütəxəssislər və siyasətçilər müxtəlif əqidəli, imkanlı insanların bu qanundan sui-istifadə edəcəkləri barədə mülahizələr irəli sürürlər. Komissiya daha obyektiv və ölkəmizin maraqlarına xidmət edəcək qanun qəbul olunması üçün səylə çalışır. Artıq müxtəlif orqanlardan, o cümlədən Azərbaycan Respublikasının Hərbi Komissarlığından, Dini Qurumlarla İş üzrə Dövlət Komitəsindən, Qafqaz Müsəlmanları İdarəsindən rəylər alınmışdır. Onların rəy və təklifləri dərindən öyrənilib nəzərə alınmaqla, çox mükəmməl bir qanun hazırlanacaq. Bu qanun Azərbaycan dövlətinin milli təhlükəsizliyinə, suverenliyinə tam təminat verəcəkdir.
Bölmənin digər xəbərləri
