Antonio Quterreş ikinci müddətə BMT-nin baş katibi təyin olunub
Bakı, 18 iyun, AZƏRTAC
Bu gün BMT Baş Assambleyasının iclasında Antonio Quterreş ikinci müddətə BMT-nin baş katibi təyin olunub.
AZƏRTAC BMT-nin saytına istinadla xəbər verir ki, Baş Assambleyanın qərarına əsasən, Antonio Quterreş bu vəzifəni 2022-ci ildən 2026-cı ilədək icra edəcək. Quterreş BMT-nin baş katibi postuna yeganə namizəd idi. Bundan əvvəl onun namizədliyi Təhlükəsizlik Şurası tərəfindən dəstəklənmişdi. BMT Baş Assambleyası indiyədək yalnız bircə dəfə - 1950-ci ildə Təhlükəsizlik Şurasının tövsiyəsi ilə razılaşmamışdı.
Quterreşin təyinatı barədə qətnamə səsə qoyulmadan ümumi razılıq əsasında qəbul edilib. Xatırladaq ki, BMT-nin baş katibi beş il müddətinə seçilir.
Bölmənin digər xəbərləri
