ARDNŞ-in Ekologiya İdarəsində 20 Yanvar şəhidlərinin xatirəsi anılmışdır
Bakı, 19 yanvar (AZƏRTAC). Azərbaycan xalqının tarixinə “Qanlı Yanvar” faciəsi kimi daxil olmuş 1990-cı il 20 Yanvar hadisələrindən 21 il ötür. Bu ərəfədə Azərbaycan Respublikası Dövlət Neft Şirkətinin (ARDNŞ) idarə və müəssisələrində faciə ilə bağlı silsilə tədbirlər keçirilir, şəhidlər yad edilir.
ARDNŞ-in mətbuat xidmətindən AZƏRTAC-a bildirmişlər ki, qurumun Ekologiya İdarəsində və ekoloji monitorinq departamentində anım tədbirləri keçirilmiş, şəhidlərin xatirəsi yad edilmişdir. Çıxış edənlər 20 Yanvar hadisələrinin başvermə səbəblərindən, kütləvi terror nəticəsində yüzlərlə günahsız insanın o dövrkü sovet rəhbərliyinin törətdiyi cinayətlərin qurbanı olduğundan danışmışlar. Bildirilmişdir ki, 20 Yanvar tarixi təkcə hüzn günü kimi deyil, həm də Azərbaycanın suverenliyi, istiqlaliyyəti və ərazi bütövlüyü uğrunda aparılan mübarizənin rəmzi kimi qeyd olunmalıdır.
Tədbirdə 20 Yanvar hadisələrini əks etdirən fotosərgi nümayiş etdirilmişdir.
Bölmənin digər xəbərləri
