ARDNŞ-in “Neftqazelmitədqiqatlayihə” İnstitutunda 20 Yanvar şəhidlərinin xatirəsi yad edilmişdir
Bakı, 19 yanvar (AZƏRTAC). Azərbaycan Respublikası Dövlət Neft Şirkətinin mətbuat xidmətindən AZƏRTAC-a bildirmişlər ki, 20 Yanvar faciəsinin 21-ci ildönümü ilə əlaqədar şirkətin “Neftqazelmitədqiqatlayihə” İnstitutunda şəhidlərin xatirəsi yad edilmişdir.
Anım mərasimini giriş sözü ilə açan institutun direktoru Fəxrəddin İsmayılov bildirmişdir ki, 20 Yanvar faciəsi Azərbaycan xalqının azadlıq, müstəqillik uğrunda mübarizəsinin qəhrəmanlıq səhifəsidir. F.İsmayılov Azərbaycanın belə çətin vəziyyətində ümummilli lider Heydər Əliyevin xalqla birlikdə olduğunu nəzərə çarpdırmışdır. Vurğulamışdır ki, 20 Yanvar hadisələrinə ilk siyasi, hüquqi qiymət məhz ulu öndər Heydər Əliyevin Azərbaycanda hakimiyyətə ikinci dəfə qayıdışından sonra verilmişdir.
Tədbirdə çıxış edənlər qan yaddaşımız olan 20 Yanvar faciəsinin azərbaycanlılara qarşı zaman-zaman həyata keçirilən məqsədli siyasətin tərkib hissələrindən biri olduğunu diqqətə çatdırmışlar. Ulu öndər Heydər Əliyevin “Vətən uğrunda həlak olanlar şəhidlik zirvəsinə ucalırlar” fikrini önə çəkən natiqlər işğal altında olan torpaqlarımızın dövlətimizin uğurlu siyasəti nəticəsində azad olunacağına əminliklərini bildirmişlər.
Bölmənin digər xəbərləri
