ARXANGELSKDƏ VƏ SEVERODVİNSKDƏ NOVRUZ BAYRAMI ŞƏNLİKLƏRİ KEÇİRİLƏCƏKDİR
Azərbaycanın Sankt-Peterburq şəhərindəki baş konsulluğundan AZƏRTAC-a bildirmişlər ki, Arxangelsk vilayətinin administrasiyası ilə birgə martın 27-28-də Arxangelsk və Severodvinsk şəhərldərində “Azərbaycan günləri” çərçivəsində Novruz bayramı şənlikləri keçiriləcəkdir.
Şənliklərdə muğamlarımız, milli rəqslərimiz, Azərbaycanın və Avropanın klassik bəstəkarlarının əsərləri ifa olunacaq, ümummilli liderimiz Heydər Əliyevə həsr olunmuş sənədli film nümayiş etdiriləcək, “Müasir Azərbaycan” mövzusunda fotosərgi açılacaqdır. Bunlarla yanaşı, Arxangelsk şəhərinin milli kitabxanasında “Azərbaycan kitabları” bölməsi fəaliyyətə başlayacaq, Azərbaycanın Sankt-Peterburqdakı baş konsullğu ilə Arxangelsk Milli Kitabxanası arasında əməkdaşlıq sazişi imzalanacaqdır.
Bölmənin digər xəbərləri
