ASLAN ABAŞİDZE ACARISTAN MUXTAR RESPUBLİKASININ SƏRHƏDLƏRİNİ YENİDƏN BAĞLAMIŞDIR

09.01.2004 [10:56]
Çap et
A⁺ A^-

AZƏRTAC-ın müxbiri xəbər verir ki, Gürcüstanda məlum noyabr hadisələrindən sonra Acarıstan Muxtar Respublikasının başçısı Aslan Abaşidzenin fərmanı ilə bu bölgənin ərazisində fövqəladə vəziyyət elan olunmuşdu. Hətta Gürcüstanda yanvarın 4-də keçiriləcək növbədənkənar prezident seçkilərində Muxtar Respublikanın iştirak etməyəcəyi barədə də məlumat yayılmışdı. Sonra Gürcüstan prezidenti səlahiyyətlərinin icraçısı Nino Burcanadzenin və dövlət naziri Zurab Jvaniyanın Batumidə Aslan Abaşidze ilə görüşləri, ABŞ-ın Gürcüstandakı səfiri Riçard Mayısın bir neçə dəfə Batumiyə gəlməsi gərginliyi bir qədər zəiflətdi. Nəhayət, Muxtar Respublika prezident seçkilərində iştirak etdi.

Bu günlərdə “Kmara” (Bəsdir) təşkilatının bəzi üzvlərinin Batumidə hüquq mühafizə orqanları əməkdaşları tərəfindən tutulub saxlanması vəziyyəti yenidən gərginləşdirmiş və Aslan Abaşidze yenidən fövqəladə vəziyyət elan olunması barədə sərəncam vermişdir. Acarıstan parlamentinin senatı fövqəladə vəziyyətin müddətinin yanvarın 8-dən uzatmışdır.

Aslan Abaşidze bildirmişdir ki, Gürcüstanda sabitlik yenidən pozulduğu üçün Acarıstanda fövqəladə vəziyyətin vaxtını uzatmağı qərara almışdır. Respublikanın ərazisində “Kmara” gənclər qrupu fəaliyyət göstərir. Bu qrupun fəallarında silah, hərbi sürsat, hökumət əleyhinə intibahnamələr aşkar edilmişdir. Ona görə də Muxtar Respublikada konstitusiya quruluşunu müdafiə etmək, əmin-amanlığı qorumaq və fövqəladə vəziyyətin müddətini uzatmaq zərurəti meydana çıxmışdır.

ASLAN ABAŞİDZE ACARISTAN MUXTAR RESPUBLİKASININ SƏRHƏDLƏRİNİ YENİDƏN BAĞLAMIŞDIR

MÜƏLLİFLƏ ƏLAQƏ

Bölmənin digər xəbərləri