Aşqabadda Xəzər dənizi ehtiyatları və ekologiyasının qorunmasına həsr edilmiş müşavirə keçirilmişdir
Aşqabad, 16 mart (AZƏRTAC). Türkmənistan Təbiəti Mühafizə Nazirliyi BMT-nin Ətraf Mühit Proqramının himayəsi ilə Aşqabadda Xəzər dənizi ehtiyatlarının və ekologiyasının qorunmasına həsr edilmiş müşavirə keçirmişdir.
Görüşdə Azərbaycan, Qazaxıstan, Rusiya, İran və Türkmənistanın dövlət təbiəti mühafizə strukturlarının, həmçinin beynəlxalq təşkilatların nümayəndələri, ekspertlər iştirak etmişlər.
Forum iştirakçıları iki gün ərzində Xəzər dənizi ehtiyatlarının və bioloji müxtəlifliyinin qorunması, bu dövlətlərdə təbii ehtiyatların qorunmasına dair bazanın təkmilləşdirilməsi, qoruq ərazilərinin və ümumən təbiətin mühafizəsı, əhalidə ekoloji tərbiyənin səviyyəsinin qaldırılmsı və digər məsələlər müzakirə edilmişdir.
Bildirilmişdir ki, bu gün Xəzər regionu energetika, nəqliyyat və kommunikasiya sahələrində Avrasiya məkanında ən mühüm geosiyasi və iqtisadi mərkəzlərdən birinə çevrilmişdir. Ona görə də bütün layihələr Xəzəryanı dövlətlərin maraqları nəzərə alınmaqla və ekoloji təhlükəsizlik normalarına əməl edilməklə həyata keçirilməlidir.
Qulu Kəngərli
AZƏRTAC-ın xüsusi müxbiri
Aşqabad
Bölmənin digər xəbərləri
