Assosiasiya rəsmisi: İqlim və digər amillər kənd təsərrüfatı məhsullarının qiymətinə təsir edir
Bakı, 20 iyun, AZƏRTAC
Kənd təsərrüfatı məhsullarının satışı tələb-təklif əsasında formalaşır.
AZƏRTAC xəbər verir ki, bunu Meyvə-Tərəvəz İstehsalçıları və İxracatçıları Assosiasiyasının sədr müavini Jalə Əmirbəyova Azərbaycanda bölgələrdə keçiriləcək Məhsul festivallarına həsr edilmiş mətbuat konfransında deyib.
Onun sözlərinə görə, iqlim və digər amillər kənd təsərrüfatı məhsullarının qiymətinə təsir göstərir: "Məhsul bol olanda qiymət aşağı düşür. Bəzi məhsullar var ki, onların qiymətini dövlət tənzimləyir. Çünki bunlar strateji məhsullardır. Dövlət çalışır ki, bu məhsulların qiyməti sabit qalsın və əhali üçün əlçatan olsun. Məsələn, buğdanı buna misal göstərə bilərik. Digər məhsullarda isə belə bir tənzimləmə yoxdur. Biz çalışırıq ki, çox məhsul əldə edək. Alıcı da istəyir ki, qiymət aşağı olsun".
O əlavə edib ki, assosiasiya Məhsul festivalları kimi tədbirlər zamanı istehsalçıların məhsullarını sərfəli qiymətə sata bilmələri üçün çalışır.
Bölmənin digər xəbərləri
