ATLETİKA ÜZRƏ RESPUBLİKA SEÇMƏ YARIŞLARI KEÇİRİLMİŞDİR
2006-ci ildə Roma şəhərində keçiriləcək gənclər arasında Xüsusi Yay Avropa oyunlarına hazırlıq məqsədi ilə təşkil olunmuş bu turnirdə Əzizbəyov rayonunun Şüvəlan qəsəbəsindəki 16 saylı xüsusi internat məktəbinin komandası ümumi komanda hesabında birinci yer tutmuşdur. Əmək və Əhalinin Sosial Müdafiəsi Nazirliyinin Əzizbəyov rayonunun Şağan qəsəbəsindəki 3 saylı internat evinin idmançıları ikinci, Şəki şəhər qarışıq tipli internat məktəbinin atletləri isə 3-cü yerə çıxmışlar. Xatırladaq ki, Xüsusi Yay Avropa oyunlarının proqramına atletika ilə yanaşı, futbol, basketbol və üzgüçülük də daxildir. Həmin idman növləri üzrə respublika seçmə yarışları isə oktyabrın ortalarından keçirilməyə başlayacaqdır.
Bölmənin digər xəbərləri
