Avrokuboklar tarixində ilk: eyni mövsümdə beşinci qarşılaşma rekordu qeydə alınacaq
Bakı, 20 fevral, AZƏRTAC
Bolqarıstanın “Ludoqorets” və Macarıstanın “Ferentsvaroş” klubları bu mövsüm avrokuboklarda beşinci dəfə üz-üzə gələcək.
AZƏRTAC xəbər verir ki, bu, avrokuboklar tarixində yeni rekord hesab olunur. İndiyədək heç bir komanda cütü eyni mövsüm ərzində beş dəfə qarşılaşmayıb. Əvvəlki maksimum göstərici dörd oyun idi və bu hal bir neçə dəfə qeydə alınmışdı.
Hazırda komandalar UEFA Avropa Liqasının pley-off mərhələsində mübarizə aparırlar. İlk matçda Bolqarıstan təmsilçisi 2:1 hesablı qələbə qazanıb. Bu, 2025/2026-cı illər mövsümündə komandaların Çempionlar Liqası və Avropa Liqasında artıq üçüncü dəfə püşk nəticəsində qarşılaşması deməkdir. Bu hal Avropa turnirlərinin tarixində ilk dəfə qeydə alınıb.
Tərəflər arasında növbəti və son qarşılaşma fevralın 26-da Budapeştdə keçiriləcək. Bununla da “Ludoqorets” və “Ferentsvaroş” eyni Avropa mövsümündə beş dəfə qarşılaşan ilk komanda cütü kimi tarixə düşəcək.
Bölmənin digər xəbərləri
