Avropa çempionatı: Azərbaycanın voleybol millisi Rumıniyanı sınağa çəkəcək
Bakı, 24 avqust, AZƏRTAC
Qadın voleybolçulardan ibarət Azərbaycan millisi Bakının da ev sahibliyi etdiyi Avropa çempionatının C qrupunda bu gün növbəti oyununu keçirəcək.
AZƏRTAC xəbər verir ki, Faiq Qarayevin baş məşqçisi olduğu kollektiv qrup mərhələsinin III turunda Rumıniya ilə qarşılaşacaq. Milli Gimnastika Arenasında keçiriləcək görüş saat 18:30-da başlayacaq.
Günün digər matçında Niderland və Portuqaliya komandaları üz-üzə gələcəklər. Bu qarşılaşma saat 15:30-da start götürəcək.
İki oyundan sonra Azərbaycan millisi 6 xalla C qrupuna başçılıq edir. Yığma daha əvvəl Portuqaliyanı 3:1, İspaniyanı isə 3:0 hesabı ilə üstələyib.
Bölmənin digər xəbərləri
