Avropa çempionatı: Şahmatçılarımız Rusiya və Ukrayna yığmaları ilə mübarizə aparacaqlar
Bakı, 16 noyabr, AZƏRTAC
Bu gün Sloveniyada komandalar arasında şahmat üzrə Avropa çempionatının beşinci turunun oyunları keçiriləcək.
AZƏRTAC xəbər verir ki, kişi şahmatçılarımız Rusiya, qadın təmsilçilərimiz isə Ukrayna yığması ilə qarşılaşacaqlar.
Kişilərdən ibarət komandamız 4 turun yekunlarına görə, 7 xalla liderlər qrupunda mübarizə aparır. Qadın şahmatçılarımız isə 6 xalla turnir cədvəlində 3-7-ci yerləri bölüşürlər.
Avropa çempionatında kişilərin yarışında 39, qadınların mübarizəsində isə 29 komanda çıxış edir. Çempionat noyabrın 21-dək davam edəcək.
Bölmənin digər xəbərləri
