Avropa çempionatında Azərbaycanı yeddi samboçu təmsil edəcək
Bakı, 10 may, AZƏRTAC
Mayın 12-dən 16-dək Kazanda sambo üzrə Avropa çempionatı keçiriləcək.
AZƏRTAC xəbər verir ki, yarışda Azərbaycan millisi də birincilik uğrunda mübarizə aparacaq. Çempionatda ölkəmizi Ağasəf Səmədov (52 kq), Mehman Xəlilov (57 kq), Cavidan Qarayev (62 kq), Emil Həsənov (68 kq) və Amil Qasımov (74 kq) təmsil edəcək. Döyüş sambosunda isə Fərid Yusifov (52 kq) və Nəbi Məmmədov (90 kq) xalça üzərinə çıxacaqlar.
Millimiz Azərbaycan Sambo Federasiyasının prezidenti Ceyhun Məmmədovun rəhbərliyi altında mübarizə aparacaq.
Bölmənin digər xəbərləri
