Avropa Kuboku: Azərbaycanın həndbol komandalarının rəqibləri bəlli olub
Bakı, 18 iyul, AZƏRTAC
Azərbaycanın həndbol komandalarının 2023/2024 mövsümündə EHF Avropa Kubokundakı rəqibləri bəlli olub.
AZƏRTAC xəbər verir ki, Vyanada atılan püşkün nəticələrinə görə, komandalar yarışa 1/32 final mərhələsindən qatılacaqlar.
Qadınlardan ibarət “Azəryol” Bosniya və Herseqovinanın “ZRK Krivaya”, “Qarabağ” İspaniyanın “KH-7 BM Qranollers”, “Kür” isə İtaliyanın “Jomi Salerno” komandası ilə qarşılaşacaq. İlk oyunlar sentyabrın 23-24-də keçiriləcək. Mərhələnin cavab görüşləri sentyabrın 30-u və oktyabrın 1-nə təyin olunub.
Kişilərdən ibarət “Azəryol” I mərhələnin “Amber” (Litva) - “Brixen” (İtaliya) cütünün qalibinə rəqib olacaq. “Kür” isə Xorvatiyanın “MRK Sesvete” kollektivi ilə mübarizə aparacaq. İlk oyunlar oktyabrın 14-15-də, cavab matçları 21-22-də keçiriləcək.
Bölmənin digər xəbərləri
