Avstraliyalı gimnast: Azərbaycandan xoş xatirələrlə ayrılacağımız üçün sevincliyik
Bakı, 30 mart, AZƏRTAC
"Azərbaycandan xoş xatirələrlə ayrılacağımız üçün sevincliyik".
Bu sözləri AZƏRTAC-a açıqlamasında Bakıda keçirilən "AGF Trophy" beynəlxalq turnirində gümüş medal qazanan Avstraliyanın qrup hərəkətləri komandasının üzvü Elizabet Li deyib. Bakıya ilk dəfə səfər etdiklərini bildirən gimnast Azərbaycan xalqının qonaqpərvər olduğunu vurğulayıb: "Burada hər kəs bir-birinə hörmətlə yanaşır. Həqiqətən də, özümüzü evimizdəki kimi hiss edirik. Mehriban insanlarla tanış olduğumuz üçün şadıq".
İdmançı Milli Dənizkənarı Parkda gözəl vaxt keçirdiklərini bildirib: "Hündür, müasir tikililər və tarixi binalar çox xoşumuza gəldi. Fikrimcə, bu şəhər gecələr daha gözəl görünür. Ümid edirəm ki, bu, bizim Bakıya son səfərimiz olmayacaq".
Qeyd edək ki, turnirə bu gün yekun vurulacaq.
Bölmənin digər xəbərləri
