Aytac Əlisultanlı: Buxara karvansarası 18 müxtəlif sənətkarlığı və incəsənəti bir araya gətirir
Bakı, 17 mart, AZƏRTAC
XV əsr Şirvan-Abşeron memarlıq məktəbinin nəfis nümunələrindən olan Buxara karvansarası, son bir neçə il ərzində təmir-bərpa işləri ilə əlaqədar bağlı idi. İşlər artıq yekunlaşıb və məkan yeni funksiyada fəaliyyətə başlayır.
AZƏRTAC xəbər verir ki, bunu jurnalistlərə açıqlamasında “İçərişəhər” Dövlət Tarix-Memarlıq Qoruğunun İdarə Heyətinin üzvü Aytac Əlisultanlı deyib.
“İçərişəhərdə çox sayda emalatxana, rəsm qalereyası və incəsənət ruhunu özündə əks etdirən müxtəlif məkanlar mövcuddur. Lakin onların hamısını bir araya gətirən vahid bir məkan yox idi. Məhz Buxara karvansarasında 18 müxtəlif sənətkarlıq və incəsənət istiqamətini birləşdirən ümumi məkan formalaşdırdıq”, - deyə o qeyd edib.
Onun sözlərinə görə, bu məkan həm turistlər, həm yerli sakinlər, həm də sənətkarlar üçün faydalı olacaq. Eyni zamanda, İçərişəhərin ruhunun dirçəldilməsinə, onun zəngin mədəniyyət və incəsənət ənənələrinin yaşadılmasına böyük töhfə verəcək.
Müxbir - Gülay Nəzərova
Operator - Vüsal Tağıyev
Bölmənin digər xəbərləri
