AZAL: Hava şəraiti ilə əlaqədar Bakı-İstanbul-Bakı axşam aviareysi ləğv edilib
Bakı, 24 yanvar, AZƏRTAC
İstanbulda yağan güclü qar səbəbindən “Azərbaycan Hava Yolları”nın (AZAL) Bakı-İstanbul-Bakı (J2 077/078) axşam reysi ləğv olunub.
AZAL-dan AZƏRTAC-a bildirilib ki, ləğv edilmiş reysin sərnişinləri sabah səhər reysinin (J2 075/076) sərnişinləri ilə birlikdə geniş füzelyajlı təyyarə ilə yola düşəcəklər.
Onu da qeyd edək ki, qarın yağması səbəbindən İstanbul hava limanı istiqamətində nəqliyyatın hərəkəti ciddi şəkildə çətinləşib.
Bölmənin digər xəbərləri
