AZƏRBAYCAN AFİNA OLİMPİADASINDA REKORD SAYDA İDMANÇI İLƏ TƏMSİL OLUNACAQ

03.05.2004 [21:31]
Çap et
A⁺ A^-

Azərbaycan bu ilin yayında Afinada keçiriləcək Olimpiya oyunlarında rekord sayda idmançı ilə təmsil olunacaqdır. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, 32 idmançımız ilin başlıca yarışlarında iştirak etmək hüququ qazanmışdır.

Yunanıstanda ölkəmizi 9 boksçu, 5 ağırlıqqaldıran, 5 sərbəst güləşçi, 3 yunan-Roma güləşçisi, 3 cüdoçu, 2 taekvondoçu, bədii gimnastika, stend atıcılığı, güllə atıcılığı, yüngül atletika, qılıncoynatma növlərinin hərəsi üzrə bir idmançı təmsil edəcəkdir.

Xatırladaq ki, əgər Sidney Olimpiadasında 31 idmançımız 8 növdə təmsil olunmuşdularsa, Afina Oyunlarında 32 olimpiaçımız 11 növdə yarışacaqdır.