AZƏRBAYCAN AVROPA ŞURASININ DAHA BİR TƏLƏBİNİ YERİNƏ YETİRDİ
Parlamentin regional məsələlər daimi komissiyasının sədri Zahid Qaralov AZƏRTAC-ın müxbirinə demişdir ki, dövlətlər arasında əlaqələrin birbaşa inkişafına təsir edəcək bu sənədə qoşulmağımız Avropa Şurası qarşısında götürdüyümüz öhdəliklərdən biridir. Azərbaycan bu konvensiyaya xüsusi bəyanat və qeyd-şərtlə qoşulur.
Konvensiyaya qoşulmağımız ölkəmizın ayrı-ayrı rayonlarının yerli özünüidarə orqanlarına sərhədboyu respublikaların müvafiq qurumları ilə mərkəzi hakimiyyətin müdaxiləsi olmadan əməkdaşlıq etməyə imkan yaranacaqdır. Yəni Azərbaycanın Türkiyə, Rusiya, Gürcüstan və İranla həmsərhəd rayonlarının yerli özünüidarə qurumları mərkəzi hakimiyyətin iştirakı olmadan bu ölkələrin müvafiq qurumları ilə özləri birbaşa əlaqələr qura biləcəklər. Sənədə əlavə olunan bəyanatda deyilir ki, Ermənistan öz təcavüzkar, işğalçı siyasətindən əl çəkmədiyi və Azərbaycan torpaqlarını işğal altında saxladığı üçün bu ölkə ilə əlaqələr qurulmayacaq və əməkdaşlıq edilməyəcəkdir.
Bölmənin digər xəbərləri
