Azərbaycan diasporu Berlinin mərkəzində etiraz aksiyası keçirmişdir
Bakı, 19 mart (AZƏRTAC). Almaniyadakı Azərbaycan diasporu Berlinin mərkəzindəki Brandenburq Qapıları qarşısında doqquz yaşlı Fariz Bədəlovun erməni snayperi tərəfindən qətlə yetirilməsi ilə bağlı etiraz aksiyası keçirmişdir.
Diasporla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, Almaniyadakı Azərbaycanlıların Koordinasiya Mərkəzinin (AAKM) Azərbaycan Evi (AE) ilə birgə təşkil etdiyi nümayişdə Azərbaycan və türk, yəhudi diasporlarının nümayəndələri, AE-nin nəzdində fəaliyyət göstərən futbol məktəbinin şagirdləri iştirak etmişlər.
F.Bədəlovun qətlə yetirilməsi ilə bağlı bəyanat uşağın şəkli ilə birlikdə Kanzleramta, Bundestaqın insan hüquqları və humanitar yardım komissiyalarına, beş aparıcı partiyanın fraksiyalarına, Avropa İttifaqına, humanitar təşkilatlara, YUNİSEF-in Almaniya nümayəndəliyinə göndərilmişdir.
######
Bölmənin digər xəbərləri
