AZƏRBAYCAN DİASPORU NYU-YORKDA ETİRAZ AKSİYASI KEÇİRMİŞDİR
Azərbaycan Xarici İşlər Nazirliyindən AZƏRTAC-a bildirmişlər ki, bu il oktyabr ayının 24-də qondarma Dağlıq Qarabağ rejiminin başçısı Arkadi Qukasyanın Nyu-Yorkda Ermənistan missiyasında mətbuat konfransı zamanı missiyanın önündə Azərbaycan diasporunun nümayəndələri etiraz aksiyası keçirmişdir. Aksiyada Amerika-Azərbaycan Cəmiyyətinin, Kolumbiya Universiteti Tələbə Assosiasiyasının üzvləri iştirak etmişlər.
Aksiya Qukasyanın ABŞ-a Ermənistan pasportu ilə səfər etməsinə, onun Nyu-Yorkda qeyri-rəsmi də olsa qəbul olunmasına və Azərbaycan ərazilərində qanunsuz Şimal-Cənub yolunun tikilməsinə və bu yolun maliyyələşdirilməsi üçün vəsaitin toplanmasına etiraz məqsədi ilə keçirilmişdir.
Bölmənin digər xəbərləri
